सूरदास

सूरसागर

गोपी बचन तथा ब्रजदशा

चूक परी हरि की सेवकाई |
यह अपराध कहाँ लौं बरनौं,कहि कहि नंद महर पछिताई ||
कोमल चरन-कमल कंटक कुस, हम उन पै बन गाइ चराई |
रंचक दधि के काज जसोदा, बाँधे कान्ह उलूषल लाई ||
इंद्र-प्रकोप जानि ब्रज राखे, बरुन फांस तैं मोहिं मुकराई |
अपने तन-धन-लोभ, कंस-डर, आगैं कै दीन्हे दोउ भाई ||
निकट बसत कबहूँ न मिलि आयौ, इते मान मेरी निठुराई |
सूर अजहुँ नातौ मानत हैं, प्रेम सहित करैं नंद-दुहाई ||54||